“Catholic Media cuh a hoi phih gok khai” ci neh Papa shangpughang Leo XIV noh a pyein

Papa shangpughang Leo XIV nak cuh Bawiphaya a kya nak kum 43rd a be nak ung Santa Maria di Galeria ah hteit neh Vatican Radio a mi bi cuh shüm hmat neh ” Communication” ci cuh kä om neh kä gah khai. A cun a hteit nak ung Vatican ung bi bi ci gui noh do-chan nak bi ci gui. A cun ung Pope Leo XIV noh” Radio ci neh k’o m’hlon nak cuh kho m’dep a hlat nak a gok ci” ci neh pyein ci. A cun a Santa Maria di Galeria ah Papa Shangpughang a hngih nak John Paul phih 1991 ung hteit man ca kya ci. 1957 ung Pope pius XII noh a k’hmon ghüt ah kya ci. A cun a k’o m’hlon nak cuh Latin America, Africa täng gui ah tah a kya äp ci gui ah kya ci.

Papa shangpughan Leo XIV noh bi bi ci gui am” A sha nami bi nami bä ni, ngäih neh nami bi vai, tuhngoi poi ah ng’kho ung phih nami bi ci bä ci ” ci ci. Papa shangpughang noh Radio shortwave ah a om tu yah ung Corpus Christi poi k’hngüp June k’cha 19 ung a cun gui pyein ca kya ci.