Bä ciah Alban ah ghinlu a mòng
K’chang gui ah yum ngak kyüh âh tu vai ah kya ciah Badamyat cu England yumtu ng’bum ung hlü ciah ciah ca tumat guk ciah kya ci. A cun yah ung AD 3 ung Roma gui no a mi uk chüp nak ah k’kâ ah nga ne a ming thang ciah kya ciah Alabn ah ngoiä shümlä vai ah ghinlu a mòng cu guk ciah kya ci. Christian k’chang gui a mi yok’kâ nak ah yah ung a hngun a pyhon vai ah dong lo ciah Taigü Boi tumat Alban no a m’om tu ah kya ci. A cun yah ung Alban cu Christian k’chàng ah kä kya pha ci. Cun phih a cun ah Taigü Boi ah a om k’ih gui cu yum ngak tu ciah kya ci. A cun ah kya hleih Alban no a ni am m’shi nak Sacramentu a peit vail ah a ni a m’thei m’cäi vai ah ng’shang ciah kya ci. A cun kya hleih a cun ah Taigü Boi awn hluihlak ng’thong ne hlui ni ne Taigü Boi a pyhon vai ah gung tu ciah kya ci. Romah ga k’kap gui no Alban cu pha u ne hluki ah mah ah khah lo püi ciah kya ci.
Alban cu Taigü Boi ah hluihlak gui hlui tu pang lang hlei phih Taigü Boi ah kä kya ci ci cu hluki no a ng’shi ng’ca nak ung hnguh lo ne Alban cu a kya ah m’lung k’she nak ciah kya ci. Shin ah Mâng khaw a I ah kä hnguh tu ne kya ci ga k’kap gui am na ap gui vai kä pyein ah na thup ciah kya hleih a shin ah Taigü Boi no a khan vai hlü gui nang no na khan vai ci ne pyein ci. A cun ah Hluki no pyein hleih Alban no kei cu Christian k’chang tumat ah ka kya ci ci ne m’dang ne pyein ci. Alban cu a Christian gui a mi yok’kä nak ah ng’däih ah tuk that ne Roma Mâng Khaw ung a mi ci man ah hlo ah a lu k’ke ung m’chün pit ne a mi ngon ah kya ci.
