Bä caih Amandus ah ghinlu a mòng
Amandus cu Christian k’kyawng khui ung ka no ng’vai lo ciah kya ci. A ni cu htitheing ciah ng’thu k’ni awn a k’ni ah ng’’hnguh ng’hmat ci ah kya ci. A läng yah ung a k’hmo k’chàng gui no a bi ah kä ni ciah kat nak gui a ng’kho gui cu kä bi tu ne htitheing ne om ciah k’chàng ah kya ci. Amandus ah k’chàng gui awn kä täng ein ne nga ne kya ciah a läk lam gui cu hnguh hmat ciah Bordeaux Taigü Mâng Delphius a ni am Taigü Boi ah kya hlak ne a mät ah htahtana ung bi a bi hlak ah kya ci. Taigü Mâng Delphius shih hleih Amandus cu Taigü Mâng ah kya lo ci. A k’hngu ah Taigü Mâng Amandus cun phih a kyühla kä gai lo ba ne kya lo hleih a ni ah hngün thong khai ah a ni ah ta k’hmo tub a ci Taigü Mâng ah a mi ghü ba vai ah a pyein ah kya ci.
Serverinus cu a ni ah a hngün a thon ba vai a mi ghü ba ah kya ci. A ni cu Taigü Mâng ah a kya kä sho ba hleih shih ciah kya ci. A cun ah kya hleih Taigü Mâng Amandus no va k’däih ne a bi ba ah kya ci. A ni cu Amandus no lam a m’shüm nak awn Christan ung gok lo tu ciah k’chang ah kya ci. Ngani cu a kya ah ng’khot nggei ci goi ah ng’teihpüi goi ah kya ci.
