Bä ciah Tychon  ah ghinlu a mòng

Tychon cu dúyai k’chàng tumat ah kya ci. A ni cu capit ng’vong tumat a bi nak vai ah khòm’dék tumat shäm tu lang pang hlelilh phih capit ghing gui a hleih nak vai ngui kä om hleih a pei ah om ciah capyit ma gui no capit ah a ng’ban hta gui m’chünpit ne a mi ghoh gui cu ko tu ne a ng’vong kyawng ah ng’ling tu ne a ngah hta gui a luh lo vai a güng yah ung Khángpùhgi keisu k’phli a shan ah kya ci. A cun ah a shan ah kesu gui cu capyit ah a ng’ban hta gui ung a ngah hta gui a luh lo vai a cun gui cu ni lo ne a k’ni ah a m’theih lo vai, a k’theih gui cun phih a k’ni hta ah a tui vai, ng’dót ne a up vai ci ah keisu k’phli cu a shán ah kya ci. A cun ah a shang ah keisu cu Khánpùghi no k’be peit hleih a heng kum a ni ah capit ng’vong ung ka capit k’theih gui cu ng’dót ne up lo ne nga tu pi ne tui hlìm  ciah kya ci.

Tychon a shih kon ah June k’cha 16 k’hngüp cu Tychon ah poi hngüp ci ne kum täi hleih a mi bi ba hti ah kya ci. Limassol Mânggo hta cu a k’hngu ah Amathus ci ne a mìng tháng lo ciah kya ci. Bä ciah Tychon  ah capit ghing gui ah khan ah Khángpùghi no a k’chak ah keisu gui ah phäh ah Cypres k’pyang’htang ung om ciah capit gui cu a k’cum ah ng’dót ne m’theih hti ciah kya ci. K’chàng gui a m’sha no Amathus ung Tychon a k’cang ah a om lah kä om pyíin ne ng’shi ca u hleih a ni cu a k’cang ah om ci lah a ni cu a cun ung Taigü Mâng tu mat ah kya ne om man ci ci cu k’chang a k’dâ no yum lo ci gui ah kya ci.