St.Francis lah a khòtüi among – 3
Tòi ba neh pyéin ah a kya ung Bä ca Francis cuh Kkhânpùghí ung a yùm khäng ca kya neh a khótüi khòmdek cuh hlüngtài bäkhak ca ca ngbúnú tumat ah mi hnguh vai na chü gui ci.Cun ah ca ngbú ung Kkhânpùghí cuh na nghtàngkò püi gui neh a cun on Kkhânpùghí ah nütdòòng neh kä gah ah kyómhtàngnak lah ni bänak ashäng teng vai ana chü phòng gui ah mòòng pyéin ci.Hlüngtài kyómhtàng ca a hngún kghìng gui ah mòòng ngah-tüh-nak ung ka noh tüì khmüt ca Kkhâpùghí ah mòòng mi hmat lo ci.(hnguh hmatnak 13:5)Kkhânpùghí no khòmdek a tüi khmüt ung lèng neh a tüi khmüt biloh-nak on Kkhânpùghí cuh a ghum-a a däm tài lah Kkhânpùghí ah a kya ah mòòng mdáng ci.(Rm 1:20)Cun ah kya hleih Francis cuh a omnak ah yahteih kyawng kkyòòng uyin a i phih kä géit neh nong vai mcäìghüt neh cun ah nglei ung khù mghó kchèpai gui a luh lo nak on a cun gui hngu ci gui cuh a cun gui ah ami kyóm teng neh akkyóm tüì khmüt ca Kkhânpùghí ah mlùng khngà ami nghlah vai a bü ah kya ci.Khòmdek cuh gä-hlei vai hlü ca a nggó nggài ah kä kya neh yèikyài yùmmnài neh ngah-tüh ah kphêi ah mtâmmkhah neh omnak vai ngdü hngün ah kya ci.
