Papa Shangpughang noh Holy See ung 9th June k’cha ung Jubilee bi ci

Papa Shangpughang noh khong mang hleih Jubilee Missa gänap nak cuh June k’cha 9th nak ung bi ci gui ah kya ci. Maamah Gloria Riva noh khawng mang hleih Meditation ciah leng ci tah Papa Shangpughang mät noh Jubilee shing m’kang tung kot hleih St. Peter Bacilica ah hteit ci gui.

Missa gänap nak ung Papa shangpughang noh” Nu Maria ah Nu a kya nak ung Petru cuh om ci. Nu ah ni bä nak on Petru cuh htitheing nak lah a k’ni ah m’theih nak gui om lo ci. Holy See ah Jubilee bi nak cuh Htitheing ca Muh a kyum lo kon nah a ngong ami bi ah kya ci.

A cun ung ng’yak ah bä ca Yohan noh a m’cäi nak ung, Nu Maria cuh a yei nak a hluläk ng’shä Yohan on ap ci. A cun a hlo ah mikmi Chritian gui cuh, Nu Maria ah m’hngi nak ung mi ät khai lah shing m’kang k’tung mi yei nak khai. Htitheing ca Muh a kyum lo ung phih Nu Maria lah a hluläk gui a khan na vah kyum lo ci. Nu Maria cuh phih om tu ci” ci neh pyein ci.

Catholic ah ni bä nak cun phih Bawi Jesu ah m’lung htei on ami shum nak ung lut lo ca shi lah tui cuh mikmi Catholic ung Sacraments gui ah kya lo ci. A cun a kya hleih, Peter hngün ung om ci gui cuh Nu noh m’htei gui hleih om ci gui. A cun ung om neh bi bi ci gui cun phih a k’khang nak a mei on ami hteit hton vai ah papa shangpughang leo XIV noh pein ci.