Hma Kat Phion Nak Secramentu Bi lo-ung

Mik mi gui cuh kä mi hmakat pha-ung Khanpughü noh mät-ah sheit nak gui na ng’ngaih ei pek gui khai, na m’gein nei gui khai ci neh kho k’nget noh na k’däk gui khai. Cung phih kat nak bi kon-ah mik mi cuh kat nak on hleih Khanpughü noh kä na m’hngi ba gui hnging khai ci neh m’lung a thüi vai-ah na ci ba gui mä ci. A k’cang-ah lei Khanpughü cuh m’cha m’lang k’chang ci neh kat nak kä bi pha-ung shüm ba vai lah kat nak bi kon-ah Khanpughü cuh m’hngi yei nak-awn be ca Pa-ah kia ki ci-ah ng’ngaih vai.

Kho k’nget no cuh a kho k’cum-ah kat nak bi vai-ah läk neh na tawk tap khai kia ci. Mät-ah kat nak gui-ah phäh-ah m’lung a thüi-ah-ung mikmi-ah hma kat nak cuh Khanpughü-ah däm da ca m’gein nak m’hngi nak ci-ah m’htung nu pei-ah om ca k’bi gün ng’pum hta vai hlü-ah kia ki ci-ah k’chang k’bä St.John Mary Vianney noh a pyein te cuh shüm ba neh k’tha laak vai.

Mät-ah kat nak cuh leng leng ba neh k’bääk lo-ung hmakat phion nak Secramentu kä bi-ah kä om vai. Mät-ah kat nak da neh a güh lo-ung phih ng’bääi vai ng’aa neh hmakat phion nak Secramentu kä bi-ah kä om vai. Ng’däih neh ghüng ca Khanpughü-ah m’hngi nak lah m’gein nak cuh ngoi k’htük vai hlü-ah gei neh k’hngi pyü vai hlü-ah ng’khan neh om ci.

Mikmi gui-am hmakat phion nak Secramentu a na pyan peit gui cuh Khanpughü noh hmai a na m’thui gui vai, a na ng’aa ng’ca hlak gui vai-ah phäh-ah kä kia ci.mikmi-ah ghün nak-ung m’lung a dim gei vai phäh kia ci.Khanpughü a om nak tu vai-ah hngün nong peit vai hlü ci.k’Khanpughü-ah m’cäi mong gha cuh i gäi gum te ng’ngah täh ba vai.