Bä ciah Marcellinus lah bä ciah Peter ah ghinlu a mong

Bä ciah Marcellinus cu Roma ung a ng’ming thang ciah Taig Boi tumat ah kya ne Peter cu khaw k’nget gui got täm ciah kya ci. Christu kum 304 ung Deo clesian no k’chang gui a yo k’àk nak yah ung nga mi gui cu pha gui ne thong khui k’kyong ah a mi ghon gui ah kya ci. Thong hmu no ngami ah yum nak ung a k’kak ah ng’ngai lo gui ne a cun ung ka no a kyawng khui pum ah m’shi nak Sacramentu khan tu k’khai gui ah ng’shang ne ta a cun kon ah ngami gui düm hta ah a milu k’ke m’chünpit ne a ngon gui vai ah Silva Nigra ah ng’ming nak ciah bung hngu ah a khah pi gui ah kya ci.

Nga mi gui cu cang lam ung a mi hngun pe ci gui ci cu a k’hngu ah Christian yum nak ung a m’lung ng’thong hlat lo ne kya ciah k’chng tumat no a pyein ah kya ci. Taig nak ung k’tha na ci goi ah k’hngumi hta k’hngih no b ciah Justin lah a ng’htoi pi gui ah a mi guh gui cu Labicana lam ung om ciah St. Tiburtius ah m’ciinhngün ung a mi ghon ah kya ci. A cun ah ku ah khan ah Constantine no phaya kyawng tumat co ne a cun ung a nu Helen a k’phuh ah kya ci.