27th May Daily Reflection

Maaneh ng’yak nak ung Bawi Jesu ah among pein ci goi ah Paul lah Silas cuh ami m’ghuih neh thawng ung ami khyum goi ah kya tu lang hleih phih Khanpughi m’tam neh ng’äi neh om ci goi a kya ci. A cun yah ung shihpi thüng neh ami k’pon nak goi ah m’shi cuh ng’phyan ci. A cun huh lo ca thawng ngäng cuh a mät noh amät ngon hlü hleih Paul noh a i kä ci en vai ah pein ci. A cun ung Khanpughi ah ng’thu k’ni ng’yak tu neh m’shi nak cuh a kyawngkhui avan noh gah tu ci gui. Khanpughi ah ng’thu cuh a hoi phih pein vai lah shuh shan nak ung khanpughi noh na ng’yak tu pek ci ciah mi hmät vai hlü ci.

Bä ca Yahan noh a guk nak ung Bawi Jesu noh Muh htitheing a tüih lo vai among cuh na m’thein gui ciah kya ci. Pa Khanpughi ah kä khai ba pha ung a hlü läk gui on ami mat vai m’cäi gui ci. Htitheing ca Muh cuh mikmi ah phäh ah a i hlok a hlü lah mi gah tu vai khin ci among cuh Bawi mät noh na m’cäi gui ciah kya ci. A tüit lo vai Muh Htitheing cuh cang nak a lam na m’shüm gui khai cuh mi mat vai pyein ci. Muh hti on mi be neh cang nak a lam mi läk tu vai mi k’tha nak go.