Bä ciah Maria Magdalena ah ghinlu
Bä ciah Maria Magdalena cu Christu kum 1566 ung Italy ghunkhawm Florence mângo ung a kya ah ng’büh ng’mang ne hlüngtai ciah kyawng khui ung ka no ng’tüi ciah kya ci. A kho kum 13 be lo hleih a m’lung a phukpit man gui cu a ng’ngahtüh ba vai ah a nu pa no pyein hleih a cun kä yum ne Calmelite mamah ng’htoi ung lut tu ciah kya ci. Manah ah a kya kon ah a ni ah m’lung cu Boi Jesu ka vai ah yai ca buiawt nak a gah vai cu m’hngi ciah kya ci.
Kho k’hngüp ät ung a kya ah goi lo hleih a Mamah gui ung ka tumat ah kya ciah Many, nang cu a I ah kya hleih ang cein ah mäih ah goi ne yai ca tu lang pang ne a cun na khan hnging ang ci ne ng’shi hleih, Boi Yesu ah pung om ci k’hnguh ne na k’phyon gui ciah Boi Jesu no a yai ca man gui shüm ba ne ka mät no ka mät ah yai ca nak gui Boi ah yai ca nak awn a täng ah ka khan ne Khanpughi am gän ap ci gui a u phih a cun ah yaica buiawt nak cu yum ne khan hnging khai ah kya ci ci ne pyein ci. A ni ah ma lam ah a I kya lo khai ci ne a pyein gui ung toktap nak gui a gah lah ng’müi m’cha lam ung a I ah kä k’tha na ba hnging ciah ah hlo ah kya lo ciah kya ci.
A ni cu khokum k’hma peng peng a ng’ngaih äp vai a I phih a ghinlu pum kä om ba ciah ng’ngai ne thüi man ciah kya ci. A ni ah Khanpuhi ah khan ah a yum nak, a ng’ngaih äp nak gui läi cu om kheng geng ciah kya ci. A ni ah a k’tiagü gui Khanpughi no kä ng’ngai ciah a ngaih ung phih a ni ah m’lung cu üp ciah kya ci. A I ah kya hleih ci ung Khanpughi ah ng’yak hlü ah hlo ah gän ap ne a k’taigü ah kya ci. Maria Magdalena cu a ni ah k’taigü nak lah a kyünhloi gui cu Kho m’dek ung kä ni ci gui a van a k’ni lam ah a ng’thong hlat vai, Yuntu ng’bum ung a k;ni lam ah a ng’thong hlah lo ba vai ah gän ap ne k’taigü ciah kya ci. Khokum k’thum a ih nak ung yai ca ne ta Christu kum 1607 ung shih ciah kya ci.
