Mindat Catholic K’taigü Mang Augustine noh a htome gui teng gui ci.
Mindat Catholic K’taigü Mang Augustine Thang Zawn Hung noh K’taigü mang a kya kon nah Matupi mango ung om ca Bawiphaya gui ah om nak gui – Rüng, Cangtak, Maadu gui ah hteit ci. Lam ung om ca pigo hta gui ung phih Catholic yumtubum gui cuh teng gui ci. Matupi ung kanoh Daai kho ah ng’kat lo neh Bawiphaya gui ah om nak kya ca Duk, Kyunglong, M’kuiimnu lah kinhlih gui ah hteit neh a Hto tui teng gui ci. A cun ung Mindat Htahtana among, a i gui bi loh vai among lah k’taigü nak ung ät neh om vai among gui cuh m’thein kan gui ci. May k’cha 10th ung ka noh 19th May ung Mindat mango a gok lo ba ci gui. A cun ung K’taigü mang Augustine, Bawiphaya k’thum, Maamah hngih lah k’hmo gui hteit tu ci gui. K’taigü mang a lam hteit nak ung a ni a k’bä ah ng’hloi khai na m’htei gui ca Khanpughi cuh a bä ni.
