A khòtüi lah St.Francis
10.Roma Sayataw lah Papa Shangpùghang ah ami na ghü yah ung akní ah khngà kphlàngnak lah lam mshümnak pe neh ana ngäng mhtéi vai a ngmìng ka lák ah na kdäk neh kthagui na pe ca bä ca Francis lam ah mlùng khngà kä gok neh shin ah mkhäh ca kä ka guk hlü ci.St.Francis cuh ngploh ngkheih dí shùm hlôi ca a khótüi pèingléng ngngaih na neh ngäng mhtéi neh ngkyüm ngkhók neh bé ca a khòtüî mhlüng mtâi neh yèikyài neh om ca akní pí ah thêbang vai mdáng ciah akbé ah ka yùm ci.Bä ca Francis cuh akhòtüi pèingléng mhtéi mhtà vai mòng mthêi neh shúilèi ci,mhtéimhtà nak ung bi ci gui ngäng mhtéi ca bä ca kchàng ah kya neh pahtâ päng ung ka noh ami yùmmnài hlûitä ah bä ca kchàng ah phih kya ci.St.Francis cuh Kkhânpùghí no a tüi ah a hngùn kghìng avan lah akdú gui lah ami nong ah kchàng gui mhngi yùm ca kya ci.Ani cuh a yèikyàinak mlùng khngà mah neh avan ka vai biloh nak ngkháinglàng ca mlùng khngà a shäm ah phäh ah kchàng akdá ah yùm mhnginak gah ci.Ani cuh akní ah om ip bilo ca kya neh a ngnéng ah dúkhah neh om neh Kkhânpùghí on phih kyai,kchàng tängtäng on phih kyai,akhòtüi pèinglèng on phih kyai,a mlùng on phih kyai,nghlôi ngpán khai om neh Kkhânpùghi shúi ca lam khteit ah phih kya ci.Ani cuh a khótüi pèingléng hlûitänak,akdú gui ah phäh ah tàgának a om vai kthá na neh bilohnak lah kchàng ah mlùng dìmkyäp khai thà nak cuh mcha neh kä gah ah a ngkhingkhong mòng mdáng ci.
