Ng’thu k’ni ng’thei
M’lung m’cha m’ap nak
Cho: Yesu Khanpughi aw, na ah kut ung kei ah m’lung m’cha ap ne ka ning ng’ngaih äp ci.
- A kcang lüng ah Boi, Khanpughi Boi aw, kat nak ung kah na k’phyon gui ci.
Cho : Yesu Khanpughi aw, na ah kut ung kei ah m’lung m’cha ap ne ka ning ng’ngaih äp ci.
- A pa ni a hta nil ah htitheing ca muh cun phih shum chuk ne m’hlüng m’tai vai ah kya hlä.
Cho: Yesu Khanpughi aw, na ah kut ung kei ah m’lung m’cha ap ne ka ning ng’ngaih äp ci.
- Khanpughi Boi aw, keimi gui cu na mät ah mikui pai hta vai hlü ah na ngäng m’htei gui ä. Nang ng’phya awn na shung gui ne nag hung gui ä
Cho: Yesu Khanpughi aw, na ah kut ung kei ah m’lung m’cha ap ne ka ning ng’ngaih äp ci.
Khanpughi Boi aw, Boi christu awn ät tu ne a ni ah dimkyäp nak ung ka mi ghün om tu hnging vai ah k’hngüp yah ung na ngäng m’htei gui ne mü ah ka mi ip yah ung phih na ghung na m’htei gui ä.
Fatima k’taigü nak
Yesu Boi aw, Keimi ah hma kat nak gui cuh na k’phyon tu gui ä. M’htei khaw mei lam ung ka na ghung na m’htei gui ä. Ng’mui m’cha gui a van lah a k’tung pi ah nang Boi ah k’chü m’gein nak güngkyo ciah ng’mui mcha gui cuh khanmopi ah m’om tu gui hlah ä.
Chü k’hnga ciah Nu aw
Chü k’hnga ciah Nu aw, kami ghün nak vai, kami äp nak vai, kami dìm kyäp nak vai, Yesu na peit tu gui ciah nang k’hngumi Shanpinu cu ka mi ning ming k’pha lo ci. Keimi Eva ah htà ng’shon gùi cuh Paradisu ungkah k’täm nak ung om u neh nang täng ah ka mi ng’chü lo ci. Yaica nak shin ah khom’dek ungkah keimi gùi thüi ne kyap ne ka mi ning shui k’tä ci. Cun ah kya hleih na m’gein ca na ni ca na hngip ngäi ca ng’lami hta Maria aw, keimi gui cu nah un tu gui ne na m’htei m’hta gui ä. Khomdek ah khan ah ka mi om nak a ng’pyi lo ung nah ta Yesu awn a kongät ah na m’om tu gui ä. Amen.
