Daily Reflection – A k’phli nak Pashal Poi May k’cha a ghaleik’chüh (17) hngüp ng’yak ah  ng’thu k’ni

******************************************************************************************************************************************************************************

Act 13: 44-52, John 14: 7-14

Tuhngoi ng’yak nak ah ng’thu k’ni ung Boi Yesu no a pyein cu kei nami nah mat ah a kya ung, ka Pa phih na mi hmat khai. A tuhbäih leng ne a ni hmat ne na mi hnguh lo pyi ci ci hleih Philip no Boi o, Pa cu na k’hnguh gui ung yei tu vai hlü ci ne pyein ci. Boi Yeisu ah hluläk k’chang gui cu Boi Yesu awn a täng ah kho kum k’thum ghep om ci gui ah kya ci. Boi Yesu noh k’chang a daa ah ma ah Khanpughi ah mong lam a thähla m’thei m’thang man gui a mi ng’yak man ah hlo ah nga mi gui mät a m’cä m’ä gui man phih ng’ngai ne om man ci gui.

Cun kon ah a shäng shäng cäicat vai ah a m’dang gui man, Lazarus shih hleih a m’ghün ba man gui cun phih a mi mik awn hnguh tu man ci gui ah kya ci. A cun kon ngo ah Philiip no Pa Khanpughi na m’hnguh gui ä ci ne ng’shang ciah kya ci. Pa Khanpughi cu a I a hlo ang ci cu Boi Yesu no a mät ah bi loh m’thei m’thang nak awn a m’dang püi ah kya ci.  A k’hmät mi mi gui phih Boi ah hluläk k’chang gui ah hlo ah Khanpughi kä hnguh ne, Khanpughi ah m’thei m’cäi gui hmat ne läk tu hnging vai ah khak hleih kya nak gui a k’da om ciah kya ci.

mät ah ghunkhaw, mät ah phei ng’leng ung a caä kä kya man gui kya lo hleih Khanpughi ah m’thei m’cä gui ng’ngai ne yum nak ung khäng htek lo pihti vai ah k’tha na ne k’taigü vai hlü ci