Boi Yesu ah a hluhngün ung bi bi ciah Papa Shangpughang ah Aanaa
***************************************************************************************
Boi Jesu no yumtu k’bum a coh ghüt cu k’chang gui a van khanmopi lam ung ka k’kheishoh en ne a k’ni ah a mi gok hnging vai ah phäh ah a coh ah kya ci.
1. Papa Shangpughang cu Boi Jesu ah a hluhngün läk ciah kya hleih yumtu ng’bum ah hlüngtai ne ng’dang pi ciah khong mang k’chang tumat ah kya ci.
2. Boi Yesu no yumtu ng’bum m’düih ne, a cun ah yumtu ng’bum ah ghin nak ah mong ah phih kya ci.
3. Boi Yesu noh Khanmopi ah kä khai pha ung a hluläk k’chang ghaleigoi ung ka Simung Petru cu ghü ne khomdek ah khan ah hlüngtai ciah khong mang k’chang ah kya khai ah a k’hmoh ah kya ci.
4. Boi Yesu no bä ciah Petru am yumtu ng’bum ah hlüngtai pi ciah khong mang k’chang ah k’hmoh ne a ni bäng am aanaa gui a van a peit ghüt ah kya ci.
5. Yumtu ng’bum cu khomdek a maih ah chüt hleih a ng’däih ah m’hteng ne om khai ah kya hleih, Petru ah hluhngün läk ne bi bi khai gui ah Papa Shangpughang gui am phih a cun ah aa naa cu a peit gui ghüt ah kya aci.
6. A cun ah Boi Yesu no a peit kon ah Petru cu Roma maanggo ah hteit ne a cun ung ka no yumtu ng’bum teng khai ah a om nak vai co ciah kya ci.
7. Christu kum 42 ung ka no 68 a chüt hleih Petru cu Roma maanggo ung Taigü mang ah kya ne kya ne om ne ta a cun mät ung a mi ngon ah kya ci.
8. A cun ah kya hleih Roma maanggo ung Petru ah hluhngün läk ci gui cu hlüngtai pi ci gui ah yumtu ng’bum ah khong mang k’chang ah kya ci gui.
9. Papa Shangpughang cu kho m’dek ah khan ah hlüngtai pi ne a ng’ming thang pi ciah a kya ah hlo ah Boi Yesu mät no a peit ghüt ah aa naa cu a ni ung om ciah kya ci.
10 Khomdek bum ung om ciah yumtu k’chang gui am Khanpughi ah mong lam lah cang lam a k’ni ah m’thei m’cäi khai lah Sacramentu lam ung m’theing m’htaih khai, Khanmopi lam na m’shüm gui khai ah Boi Jesu no a peit ghüt ah aa naa cu mang ciah kya ci.
