Papa Shangpughang Leo ⅪⅤ ung ka no hnguh hmat tu vai a mong gui
*****************************************************************************
Catholic htahtana ung cang ciah gah vai aa naa cu mät no mät k’hmih ne bi bi ah kya ci.
1. Tuhngoi na k’pyon gui ciah Boi Yesu mi yum ah phäh ah Catholic yumtu k’chang a van awn a k’tung pi ah Cardinal lah Taigü mang, Taigü Boi gui am Yeikhai ne Khanpughi a mong na mi thähla vai ka ning chü gui ci.
2. A cun cu mi mi gui ah maapi k’bäih ne htingling tu pi ciah mission ah kya ci.
3. Yum nak cu ghinlu ah ng’phlan nak ah kya ci.
4. Yum nak kä om ung ghinlu ah ng’phlan nak cu kä om khai ah kya ci.
5. ghinlu ung Khanpughi a om ah kya ung mi mi ung khanpughi kä om hnging khai ah kya hleih a van kä ng’hmat ne mi om k’ih gui phih didam yop khai ah kya ci.
6. Boi Yesu cu k’chang düit tumat ah kä kya ci.
7. A ni cu Khanpughi ah hta k’pa tumat ah kya ci.
8. Cang lam ci cu k’chang gui ah ma phih kyai, k’chang shing tumat ah ma phih kyai m’dang vai hlü ci.
9. Yum nak cu Khanpughi ung ka no lo ciah letsawng tumat lam däm ciah mission ah kya ci.
10. Mi mi gui cu Petru ah hlo ah mi yum nak cu Khanpughi ung ka no mi gah tu vai om tu pang lang hleih phih mi ghinlu a thonghlah vai ah ma lam ah mi hteit khai ah kya cai.
11. Mi mi gui cu a k’tung pi ah Khanpughi ah ng’thu k’ni kä tä ne, pheng ne om ci gui ah hteit ne Khanpughi ah mong thähla vai ci ne yumtu ng’bum am Papa Shangoughang Leo ⅪⅤ no pyein ciah kya ci.
12. A cun ah kya ciah hngün gui cu nong vai ah kä kya ne, mission bi nak vai gui ah kya ci.
13. Tuhchüh, khom’dek pum no Khanpughi ah mong lam gui thäla vai ng’yak hlü ci.
14. A hngüptäi ghinlu ung ng’thong hlah vai ah bi bi loh vai hlü ci.
15. A k’hngu pi ah mi mi gui a van cu Papa Shangpughang ung ka no a k’hngüptäi hleih ng’thong hlah nak lam ung na chü khong gui khai ah kya ci.
16. Bi nak vai ah aa naa ci cu yumtu ng’bum ah khong mang k’chang gui no a mät no a mät a m’lung m’yo m’nem ne, yaica gein vai ne a ghinlu kä ng’chüih hleih thüihlei ne om ci gui ka vai ah Antioch maanggo ung ka bä ciah Ignatius ah hlu hläk tu hnging vai ah kya ci.
17 Catholic htahtana ung cang ciah bi nak vai aa naa cu mät no mät phep ne hlü ci gui am peit tak ne gunghtot gui vai ah kya ci.
