Ng’thu ni ng’thei

Hti theing ciah Khanhtapup Michael ah ng’hui Pa nak

Hti theing ciah Khamhtapup Michael aw, gà khoknget gui on ng’tuk nak ung kah tuhngoi nag hung na m’htei gui ä. Ngami ah k’däk nak gui ung ka phih na k’phyon tu gui ä. Khomdek pum ung ng’hle ne ng’mui m’cha gui m’di ciah khong’nget gui cu Khanpughi ah m’yung a on m’htei kho ah yu k’täm gui yop ä. Amen.

Boi ah kyä ei kon ah pyein vai ah k’taigüi nak

Ni pi k’bäih ciah Yesu aw, tuh bäih na shi hla na gänap nak ba ung kei mi nà k’chang gui no phih, cùmboi gänap tu u ne ta Pa Khanpughi kami shümhmat ci. Nà m’bei gui na shi hla no phih m’yung k’thá na peit gui hleih kä càng kä ni ci gui cu m’chüt ne ka mi thamah lo pi hti vai ah kami ning ng’huingpa lo nak ci. Cun kon ah na m’hngi gui ne nà ät lo püi gui ah hlo ah keimi no phih ka mi ng’khokchang gui cu m’hngi ng’gei gung htot gui ne kami ät lo pihti vai ah kami k’tha nak khai. Ni pi k’bäih ciah Yesu aw, k’chü k’nga ne na gung ei gui ä. Amen.

Numaria no a na ghun vai ah k’taigüi nak (Memorare)

A nng’htei ah ni ciah ng’lami hta Maria aw, ning yi ning ng’ngaih u ning ng’hui nak ciah k’chang gui päng cu kä na gung htot cu kä ng’yak tu man ah kya hleih, katnak om ciah kei no phih ning yumäp tu ne ng’yu ng’yon thüi hlei neh nang Nu ah ka ng’hui lo ci nei. Hta Khanpughi ah Nu aw, kei ah shan lo nak cuh kä dám kä cho ein neh na k’chüm gein ei to. Amen.

Mü hngün täng ah ap nak

Kei ah Khanpughi Boi aw, kei cu ka shih khai ah a k’cang ah ka hmat ci. Ka shih nak vai k’hngüp läi cu kä ka hmat hnging ci. Cun ah kya hleih kei no kä ka ip pha ung ka kyä lah ka ng’müi m’cha pum cuh nang Khanpughi Boi am ka ning ap ci. Ka shih lo vai ung Boi Yesu Christu ah yai ca nak gui a phäh ah ka hma kat gui cu na k’chü m’gein nei to. Amen.

Shih ci gui ah phäh ah

Khanpughi Boi aw, shih caih k’chang gui am a ng’htei ah a ni vai ah ci tu peit gui ä. A k’khang nak ung na pei ah m’om tu gui hlah ä. Ngami gui cuh a k’dim akkyäp ah om u hlä.