Daily Reflection –Paschal poi a k’phli nak, March k’cha a ghaleik’chuk nak (16) hngüp ng’yak ah  ng’thu k’ni

******************************************************************************************************************************************************************************

Act 13: 44-52, John 14: 7-14

Mi mi gui mi ghin om nak ah khaw m’dek khan ah mi mi gui na m’yai m’ca ne na thüi hlei hlak gui ci a k’daa om ciah kya ci. A hngüp täi ng’ yak ah kä ni ciah ng’thuk k’thai gui ah phäh ah mi ma lam ah mi ghinlu a I ah kya vai kä hmat ne ng’ngaih äp vai a I kä om hleih mi yai ca nak ung a ng’htei ah na m’hngi gui ne ma lam ah ghinlu ng’shing khai ah na pyan pe gui hnginig ciah Khanpughi no a k’cum ah na om püi gui ciah kya ci. Na mi m’lung kä cäi ng’ä ein hlä ci ne Boi Yesu no pyein ci. Ka Pa ah im kho ah ih om nak vai a kda om ci ci ne a m’hteng ah pyein ci.

 Cun kon ah A ni hteit ne ka om nak vai na pyantham pe khai, a ni ah hteh nak vai cu nang mi noh na mi hmat ci ci ne pyein hleih a hluläk k’chang ah kya ciah Thomas no nang Boi a hoi ah na hteih vai hngo kä hmat nak ung na hteh nak vai lam I hok cha hmat vai ang ci hleih, Yesu no kei cu lam lüüng ah ka kya ci. A k’cang lüüng lah hngun lung ah phih ka kya ci. Kei ka na ng’lehna ne a u phih ka Pa ah kä gok hnging ci ci. Mi mi ah kyum nak vai ah lam cu Khanmopi ah a kya ung a cun ah lam ung kä ng’lungtäng ein ne mi gok vai ah Boi Yesu no vah lam na m’shüm gui hnging khai ah kya ci.

Cung phih Khanmopi ah hteih nak ah lam cu ng’hteik hta ciah kya hleih a loi ah läi kä gok hnging vai ah kya ci. Mi mi gui ah cäi ng’ä gui, mi yaica gein vai gui cu Khanpughi am ap ne Boi awn a täng ah mi hteh ät ah a kya ung lam a ng’hteik tu pang ah phih a I kä buiawt ne Khanmopi ah mi gok hnging khai ci cu mi yum vai hlü ci.