Daily Reflection – Paschal poi a k’phli nak, May k’cha a ghaleik’hma (15) hngüp ng’yak ah  ng’thu k’ni

******************************************************************************************************************************************************************************

Act 13: 13-25, John 13: 16-20

Yanhta ng’thu k’ni ung Boi Yesu no a ni ah hluläk k’chang gui am ka teihpüi gui ci ne a pyein cu mi ng’yak ciah kya ci. Mät ah mah kyüh ne ghün nak ah ghünlu ung a u a om vai ah kä ng’yak hlü ne cu ah a pyein ah kya ci. tuhchü lai cu a u ah phan k’chang phih a mät ah mah a ta kä hlüng ng’vai tub a khai ci ne ng’yak ah kya ci. Tüih phan ah k’chang cun phih phan ciah k’chang a ta kä hlüng ng’vai tub a khai. A van a täng ci ne a pyein hlü ah kya ci.

A cun ah k’chü m’kha gui awn Boi Yesu no a hluläk k’chang gui am ng’shing khai ah a hmat hlak gui hlü cu ngohnak aana a om a ta tumat no tumat a gung m’htei tu cu a ng’htei ah nit u ba ci. Khanpughi no phih a cun ah ci cu yum ci ne a dang hlü ah kya ci. Boi Yesu mät no a hluläk k’chang gui ah kho a m’shi nak awn a cun gui m’dang ci ci cu ng’thu k’ni ung mi hnguh ciah kya ci. k’chang gui khongmang khai ah a hlüng nak ung gok lo pi hti ne a m’lung m’yo nem lo pihti ci cu a k’cang ah kchang ah kya ci. Shih nak ung ah ghing loo ba ne mi mi kat mah k’chang gui na m’gein gui ne na k’phon gui ciah Boi Yesu ah keisu awn mi m’lung m’yo nem ne mi om nak mi ng’lei kho kyom htang khai ah mi pyan tu hnging vai ah mi k’tha na ko.

Tuhngoi Ng’thu k’ni a van teng ah a kya ung  mi mi yum tu k’chang gui a phäh ah m’lung m’yom’nem nak awn a Pa Khanpughi ah k’chü ng’ngai ne a hngun m’shih ne na k’phyon gui ciah Boi Yesu mi yum ne mi lung yonem khai mi pyantham tu hnging vai mi k’tha nak hlü ci.