Bä ciah Matthias ah ghinlu a mong

Bä ciah Mattias cu Boi Yesu m’shi nak Sacramentu a khan ung ka no leng ne Khanmopi ah a kai ah chüt hleih Boi Yesu ah a phan ah k’chang ah kya man ci. A ni cu Boi Yesu no htei ghüi ne Khanpughi ah mong lam thähla ne a m’thei m’thang yah ung a hlu läk k’chang gui 72 a ghü nak ung Matthias cun phih tumat ah kya ci. Hti Theing ca mu Khanpughi kä kyum lo pha ung a hlu läk ghaleiät lah a hei a hluläk k’chang gui ng’bum ne a mi k’taigü yah ung Petru no Boi Yesu a ghin lo ba vai a mong thähla pyeinhlak khai ah k’chang tumat ah a kya lo vai ah Juda a hngün ung k’chang tumat hlü ci ci cu van no a hmat vai ah pyein ciah kya ci. Actus 1:21. Matthias lah Banabas ung ka Matthias cu a mi ghü ah kya ci. A cun ah a mi ghü cu Israel ghalei goi ah hlu ah kya ci. Htitheing ciah mu Khanpughi a khan kon ah bä ciah Mathias cu Khanpughi mong lam cu Judea khaw ung ka no Caspian pin le chüt hleih thähla ciah kya ci. A ni Khanpughi a mong lam a bi nak ung kä ni ci gui ah a mi kalu nak ah phäh ah cang lam ung a hngun pe ciah kya ci. A ni ah a gok cu Jerusalem ung a k’sho tha ne ta bä caih Helen no Roma maanggo ung a plon ah kya ci.