Bä ciah Pancras ah ghinlu a mong

Bä ciah Pancras cu Syrian pa k’khui k’chang ah kya ne hlüngtai ciah k’kyawng khui ung ka no ng’tüi lo ciah kya ci. A nu lah a pa shih ni hleih a pu kho no a ni cu Roma mango ah a khah püi ah kya ci. A kho kum ghalei k’phli be lo hleih Christian yum nak ung ng’thong hlat lo ne a shümko gui a van duyai k’chang gui am leng ne peitak gui ciah kya ci. a cun ah a bi loh gui cu. Ghunkho uk ci gui ah ghum aa k’shäm gui no k’shing lo u ne Christu kum 304 ung Dioclesian ah yo k’ka nak ung  a lu k’ke m’chünpit ne a mi ngon ah kya ci. Aurelian lam ung a ni cu phuh u ne a ni a mi m’hlängtai nak ah Papa Shanpughang Marku no a cun ung phaya kyawng a coh ah kya ci. Bä ciah Gregory no a ni m’hle m’hlak ci gui cu phut hung ba ci gui ah kya gui ci ne a mi ng’ming a peit gui ah kya ci.