Mindat htahtana a k’thai m’düih nak
Mindat Htahtana cuh Papa Shangpughang Francis noh Htahtana a k’thai ah kya khai lah Khong mang khai k’taigü mang a k’thai Augustine Thang Zawn Hung cuh m’düih neh pyein pit ci ah kya ci. K’taigü mang k’thai cuh April kcha 27th ung kya lo hleih a om nak a ” Enthronment ” ciah bi nak cuh May kcha 4th nak cung Lukse ung bi ci gui. Hakha k’taigüMang Lucius lah Mindat k’taigüMang a k’thai cuh May kcha 3th k’hngüp ung Lukse ah gok lo ci goi ah kya ci. Divine Mercy Sunday ciah k’hngüp ung Lukse ah Hakha k’taigü Mang Lucius noh a uk nak vai gui k’pai tu neh a bi lo vai gui cuh k’tha gui pek tu ciah kya ci. A cun ung Bawiphaya gui 37 lo neh Mamah gui 14 lo ci gui lah yumcitu 800 hlok lo neh k’taigü ci gui. Mindat Diocese phäh ah Khanpughi m’tam neh Htahtana k’thai lah K’taigü mang a k’thai ah phäh a yeikyai ci gui.
