Bä ciah Bernadette ah ghinlu a mong

Nu Maria ah m’dang nak hnguh caih ah bä ciah Bernadette  cu Pyinhtit khaw ung duyai k’chang ung ka no ng’tüi ciah kya ci. A kho kum ghaleik’phli ung hlui bok hlui ne a cun ah hlui bok ah khan ah phe a k’dü  awn a k’khei ng’pat ne a kutu ng citputi k’kot ciah k’hngumi tumat no a m’dang ah kya ci. A lu ung phih Za kawngsang a bok hta ng’ büng ne, a kho phyang gui a pei ah hninsi papai gui no k’koi hleih ng’düi ciah kya ci. A pigo pheng’leng ung cun ah hlo k’hngumi hta kä hnguh tu man ciah  Bernadette cu a kya ah cäi ciah kya ci. A cun ah a hnguh yah a hngun cu Christu kum 1858, February k’cha 11 hngüp ah kya ci.

Bernadette no a cun ah Numaria a hnguh gui a mong a ng’hmat nak gui am m’thein tu gui hleih phih a u no phih kä yum ciah kya ci. Nu Maria cu a u ci kä hmat tu phat ciah Benedict cu k’chang gui no a hnguh a mong ng’shi k’ca lo u hleih Nu Maria ah a k’ni ah ng’shing ciah m’thein tu gui hnging ciah kya ci. Nu Maria no Benedict ah ma ah ghalei k’chüit (18) vei a ng’dang cu a u no phih kä hnguh tu ci. Bernadette a mät hta bäng no vah hmat ciah kya ci. k’hmät a ng’dang nak ba ung Nu Maria no Bernadette am a ng’dang nak ah ma ah ku pei ah lawng tui a awk hlak ah kya ci. Cun kon ah a cun ah long tui ung a k’thang shih ciah ah k’chang a kut m’shi hlak u hleih a kut k’thang ni ba ci cu hnguh ci gui ah kya ci.

A cun gui Bernadette no Taigü khaw ng’ngäng Boiphaya am hteit ne m’thein hleih a k’hngu ah a cun ung k’chang gui a k’da hteit ne kya u hleih Lourds maanggo ung om ciah maanggo uk ciah ah a ng’vai no a cun ung a mi hteih hton ein ba vai a khai ah kya ci.