Catholic a m’cäi nak
Pope John Paul lah akhòtüi
Bä ca Papa Shangpùghang John Paul cuh akhòtüi a dí shùm ah phäh ah ng’ä ng’cäí ci.Ani no a guk ah ca ngkhäh (Redeemer of men) ung kchàng gui cuh a khngät ami khòtüi peì ngléng cuh aktén ah gah vai düüt ah htùng mang phya neh ahei lam ah kä mang phya ciah ngngaì neh ami plohmhtah cuh ngah-tüh vai vai kya ci.
Cun ah kya hleih Papa Shangpùghang cuh akhòtüi pèingléng ah kkhaan ah mlùng ngngaih mthong mhlah khin ah mòòng pyéin ci.A cun on nggui gé ca kchàng ah màmòòng on ngphak ciah càng ca akhòtüi pèingléng mhtéinak a om lo vai kchàng ah om ih mhtéi mhtà biloh nak gui aken ah mòòng mdáng ci.Kchàng ah pèingléng adí cuh akthúk ah ngah-tüh vai kya ci.A i ah kya hleih ci ung Kkhaanpùghí no kchàng khngumi lah kchàng kpámi am khòmdek ani mhtéi hlak goi kòn ah phih kchàng gui ah ghinlù cuh akshé kkà ahlühlü ung kah ghun mhtéi vai phih kya ci.A khòtüi mhtéinak lah a däm tài vai binak ung kchàng ah om ih,khohthêm pyaanthám nak,mangcanak lah ghunkhò uk mòòng ânâ mhtòi lam gui cun phih mthong mhlah vai hlü lo khai.
Kchàng gui ah a ngkyüm ah dämtài nak ung akní ah om ih vai khmih neh kä gah ah kya ci.Kchàng gui ah däm ngphät mòòng biloh
