3rd April
Daily reflection
Maaneh ng’yak nak a k’phyion lo nak ung Israel k’chang gui noh Khanpughi nong u neh hlei-pat güp hta pyang u neh shumchuk ci gui. Khanpughi noh hnguh gui neh a m’lung shet neh Israel k’chang gui cuh m’di gui khai ah ng’ngai neh Moses on pyein nak ci. Moses noh Khanpughi m’shang ba neh ” Nak khah lo püi gui ah na k’chang Israel pakkui gui cuh na pakkui k’chang gui ah kya ci. Khanmopi ah aihli vai ah na da hlak gui khai na ci ci cuh, na shüm ba vai nei” ci neh Moses noh pyein hleih Khanpughi noh a m’di gui vai ah a ng’ngaih ung ka noh a m’lung ng’hlat hleih kä m’di gui neh chü hnga ba gui ci.
Bawi Jesu ah ng’thu k’ni ung a Pa Khanpughi on ani ät a mong cuh m’thein tu gui ci. Kei cuh kamät noh kä bäi vai kä kya ci. Pa Khanpughi ah bi vah ka bi ci. Ani ah pyein nah m’thein na vah kä om ci. Yum ci gui kavai k’phyion nak pe gui ci. Bawi Jesu cuh Moses a k’thai ah kya neh K’chang gui lah Khanpughi ah ng’lak a ng’shä pe gui ci. cun a kya hleih ani yum ci ung k’phyion nak om khai ci neh pyein ci.
