1st April Daily reflection
Tuhngoi maaneh ng’yak nak ung cengshä Jeremiah noh mik hnguh nak ung Jerusalem ng’bumim ung tui lawng lo ci. A cun a tui pe ah om ca shingghüng ung a a hngah noh k’chang m’gü m’gai ba ci ciah gänap nak ung ka noh lo ci ci.
Bawi Jesu ah ng’thu k’ni ung mi teng ba ung khokum thumkipleicheit yaica ciah k’chang Bawi Jesu noh m’gai ba ci. Khanhtapup noh Bethzatha tui ung kyum lo neh tui a k’hngün ung maa neh lut tu ci cuh gai ba ci ciah yum nak ngon amik m’dah ni, a kut kho kä nik ci gui ni, kä gai ki gui avan cuh lo neh tui a k’hngün yah ung ami lut tu vai ng’tha nak ci gui. K’chang tumat cuh a gün kyo nak sho lo ci ci cuh Bawi Jesu noh hmat ca kya ci. Na it nak k’kot neh hteit ba ci nak ci. A it nak kot neh gai ba neh hteit ba hleih Pharesees gui noh kä yum ci gui. A kut kho ng’gung ci cuh a mät a k’tha gui on avan k’tha nak pyi ci. A cun hmat neh Bawi Jesu noh a m’gai ba ah kya ci.
Mikmi ah ghün om nak ung phih mi k’tha nak cang vai, mik k’tha nak ngon a Bawi noh na gung gui ci cicuh mi hmat vai hlü ci. kä bi pha neh, kä k’tha nak pha neh, Bawi bäng mi shan ung kä mi gah khai. Mi k’tha gui avan ngon mi bi cang vai, mi k’tha nak cang vai Bawi noh ng’yak hlü ca kya ci.
