Daily Reflection – March 27

Maaneh ng’yak nak ung Israel k’chang gui cuh Khanpughi ah k’chü ami ng’ngaih vai, cun a kya ung ngami gui cuh Khanpughi ah k’chang a kya khai gui. Khanpughi noh Israel k’chang gui a chü lo ba gui ah among cuh mi ng’yak khai a kya ci.

Ng’ thu k’ni ung Bawi Jesu noh khonget k’täm hleih Pharisee gui noh khonget a ng’vai pi Balzapup ng’ming pha neh k’täm ci ci gui. Bawi Jesu noh m’shang ba gui neh a pyein cuh a u phih amät a ghün kho ung aa mi ng’ge lo ung di maih lo khai. Cun tu pang a phih nami pughi pa gui noh a u ng’mik pha neh khonget ami k’täm man pyein vä ci ci. Khanpughi a m’yung aa bäng on vah khonget k’täm neh gah a kya ci. Bawi Jesu mät khonget on m’täng ci gui. Ami yum nak kä om ci a kya ci. Khanpughi yum nak cuh khonget m’chüt näng nak a kya ci.