Shing M’kang k’tung among

Shing mkang ung kka kkhan yon neh ngdüí ci lah mkang ci om ci.Kka kkhan yon neh ngdüi ci cuh mòpí lah Kkhaankhò uk ciah Kkhaanpùghí ah kchô ah kya ci.Mkang shing cuh khnìlo,khngì kyák,ahtum,ahlíp van ung uk ciah Bói ah kchô ah khmütnak ah kya ci. Shing mkang cuh i on ang atäng cuh nami ngah-tüh tu màn ne ang?……………….

Kchàng tumat làm neh a ngdüih cuh shing mkang on mtäng ah a kya ung shing mkang ung shi ciah Bói cuh mi hmat hnging ci. Mòpí lah khòmdek yon neh ngdüí ciah shing cuh kka kkhaan tüì khmüt ciah Kkhaanpùghí ah khmütnak ah kya neh mkang shing cuh khngìlo,khngì kyák,ahtum,ahlìp uk ciah Bòi Jesu ah khmütnak ah kya ci. Cun ah khmütnak mi van ung om lo ci.A cun gui cuh mi nú yùm ktû ngbûm no avan no mi hmat en khenggeng vai ana mthei gui ah kya ci. Cun ah ana mthei gui cuh a khngüüp tä hleih mi ktàigü ah Sign of the Cross ciah pyéin ah pani,htani ciah buh ei tui ók lo vai tä hleih mi pyéin ah ktàigü ah kya lo ci.

Cun gui avan cuh aktói ah pyéin ung Genesis ciah pyéin ah Ngtüi om lonak ciah Ngthu kthéing ung mi hngu hnging ci.

‘Kkhaanpùghí no a mät on täng khai ah kchàng tüìpyàng ci’. Cun gui cuh Pá ni,htá ni ciah a khngüp tä hleih pyéinnak ung mi kyä mät cuh shing mkang vai hlü ah kya neh shing mkang ung shi ciah Jesu ah shihlá mi eì o ciah mi van cuh avan uk ciah shing mkang ung kmütnak tumat ah mi kya lo ci. Shingmkang khmütnak ktàgü cuh Bible ciah Kkhaanpúghí ah Ngthukthéing ah a uì lah athúknak ah kya ci.A hngüüp tä hleih mi pyéin ah ktàigúnak gui ung aktoipi lah akní pí ah ktàigü ah phih kya ci.

Catholic yùmnak ung thúk pí kbäih neh kyóm pì kbäih ciah ktàigü,shing mkang ktàigú(Sign of the Cross) ah amòng hmat vai aktôi ah mdángnak ah kya ci.

Akthúk ah hmat vai cuh ghin ah lù púm ghinnak ung vah hmat hnging ah kya ci.