March 18 nak – M’lung m’nem vai among

Ceng shä Isiah noh a m’cäi nak ung ng’yu ban eh namät noh na kat nak gui na m’shi vai. Kat nak kä bi vai, a k’ni bi vai ng’thei tu vai, taga ci shui vai, hlü ci gui gung htot tu vai a kya ci. “Na kat nak cuh hlen neh a kya ung phih hlü tak vai hlü ah pok ba khai” ci neh Khanpughi no pyein ci. Kat nak ung a ng’yu ba vai, a k’ni bi vai ah Khanpughi ah m’cäi läk vai gui cuh mi shüm ba vain a m’thei ba gui ci.

Bawi Jesu ah m’thei m’cäi nak ung “ Nang mi cuh Pharisees gui lah chum cäi shüm gui ah tah kä nami bä tu ba ung Khanmopi ghün kho kä nami gah khai. Ngami cuh k’chang gui ah m’tam gui vai ah bi ci gui. A cun a kya hleih a I na mi bi ung phih m’lung m’nem neh bi loh thei cuh a kya hlü ci. Nang mi ung ng’vai hlü ci cuh avan a täkphan k’chang a kya khai. A m’lung m’nem ci cuh m’hlüm tai vai kya khai” ci neh Bawi Jesu noh na m’thei ba gui ci. K’chang cuh a m’lung vah ani vai hlü tub a ci. Cun a kya hleih mi m’lung pyang u neh, mi m’lung m’nem u neh Khanpughi ah hngu ah mi läk tu khai nei. M’lung cuh m’shi pyo vai hlü ci. Ng’yu ba vai hlü ci. Cun a kya hleih yum nak noh m’lung pyang ci. Yum nak noh k’chang ng’thong hlat hlak ci. Cun a kya hleih k’taigü nak ngon mi chükyo mi om it, mi ng’ngahtüh gui mi m’hlat yop kom u.