Bä caih Cyril ah ghinlu ah mong

Jerusalem maanggo ah maapi bäih neTaigü Mang ah kya ciah bä ciah Cyril cu Christu kum 315 ung Jerusalem maanggo ung ng’tüi ciah kya ci. A ni cu ng’thu k’ni hnguh hmat nak ung ng’chüih ne, hnguh hmat nak a hei gui phih a ng’thei ng’thang kon ah Christu kum 350 ungTaigü Maang ah kya lo caih kya ci. Taiü Maang ah a kya nak kä sho pha hleih k’thum vei pum khophung ung ka no got ci gui ah Arian k’chang gui awn Khanpughü ah mong lam ng’gung deng ne pyein ci gui ah kya ci. A cun ah Arian k’chang gui no Cyril am dudong yaica ci gui a gunghtot gui vai ah yumtu ng’bum ah htitheing ciah hluihlak yoituk ci ci ne phih k’buk ci gui ah kya ci. Bä ciah Cyril cu a cun ah hlui hlak gui a yoih ah kya tu lang pang hlei phih Pa Khanpughü ah ng’yak hlü ah hlo ah va bi bi ciah kya ci.

Christu kum 381 ung Constantinoble confrence no yumtu ng’bum ah läklam vai gui m’dang ne a pyein nak ung bä caih Cyril cu Catholic yum nak ah ghuih tu pi caih k’chang tu mat ah a mi m’tem ah kya ci. Bä caih Cyril ah a k’hngu pi ah a nong ghüt ah khoh cu (The Catechize) ciah a phu kä khin hnging vai ah däm ciah ca uk tu mat ah kya ci. A cun ah ca uk cu m’shi nak Sacrament tu khan hnging vai ah hnguh hmat nak gui daa caih ca uk a kya ci. Ng’thu k’ni gui tumat lah tumat ng’awih khai ah a guk ah ca uk a phih kya ci. A ni cu Christu kum 386 ung shi ciah kya ci.