A k’hmo gui ah ng’thei ng’tham nak

Maamah Maria Magdalena noh a m’cäi nak

A k’hmo hta gui cuh mi m’thei vai lah a k’tung pi ah Ca ami hmat vai ah ng’thei khai gui ah mi k’tha nak vai hlü ci. Ca ng’thei nak ung Nu Pa lah m’thei ciah Saya/ Sayamah gui cuh ng’hmat neh a k’hmo kavai mi k’tha nak vai cuh a kya hlü ci. Maamah noh a pyein nak ung ” a k’hmo hta gui cuh Nu Pa noh a k’ni ah a m’thei vai hlü ci”. Ca ng’thei ci gui cun phih ami mat noh a mi hnguh mat hlü vai lah ami mat noh ami mat ami pyan than vai cuh a kya hlü ci. K’chang tu mat cuh “Birth” ci ah ng’tüi lo nak lah ” Death” ciah shi nak a ng’lak ung ” C ” ciah ” Change ” cuh mi bi vai cineh na m’cäi gui ci. Mi van kavai ah mi ng’ngah tüh vai hlü ci. K’chang cuh amät noh amät kä ng’thong hlat hlü ci cuh a u noh phih kä ng’thong hlat hlak hnging ci. Cun a kya hleih k’chang ci cuh a k’hmo yah ung va ng’thong ng’lat hnging ci. A ng’vai lo kon nah a ng’thong hlat vai kä loi ci ci cuh mi hmat ciah kya ci.

A k’hmo gui Ca ami ng’thei nak ng’pyi ng’päng lo neh Maamah noh a hnguh lo cuh a pyein a kya ci. A k’hmo gui m’htei ko, mi pyang tham gui ko, ngami cuh mikmi ah phih a akya bä khai mi lo khai gui.