Daily Reflection: March (14) nak ung ng’yak vai ng’thu k’ni

Maaneh ng’yak nak a Ezekiel noh a guk nak ung “K’chang sheit kaa gui cuh ng’yu ba neh ami lo ba ung ami kat nak gui avan cuh Khanpughi noh k’phyion gui khai nei. Khanpughi ah m’cäi läk ci cuh ghün nak gah khai” ciah Khanpughi ah m’cäi läk cuh ghün nak a kya ci. “Amät ah hmakat man te gui cuh shimk’chuh ne chah ci ah kya ne shih k’kyuknak ung ka phyonghlei ne a hngun cuh m’ghün khai” ci neh Ezakiel ung mi ng’yak ci. Ng’thu k’ni ung Bawi Jesu noh ” Nangmi cuh Pharisees gui lah chümcäi shüm gui a tah kä na mi bä tu ba ung Khanmopi ghün kho kä nami gah ci” ci ci. Ng’thu k’phyüm yah ung Khanpghui noh Moses ung kanoh a m’cäi gui ah läk man gui cuh Pharisees gui noh a k’ni ah läk u neh k’chang gui ah ami m’tam vai ng’yak hlük ci gui ah kya ci. Ami läk gui cuh ni tu pang hleih phih ami m’lung ung ahei k’chang gui cuh kä ni ci gui ah kya ci. Cun a kya hleih Bawi Jesu noh ng’thu k’phyüm a ng’kyüm be nak a kya neh a m’thei cuh k’chang chü m’gein vai, k’phyion vai lah teihpüi pok kchang gui m’hngi yei nak vai gui cuh m’thei lo ci kya ci. M’cäi nak a k’thai, läk vai a k’thai cuh mi läk vai Bawi Jesu noh na m’thei ba gui ci. K’chang gui noh ami m’tam vai kä kya neh, m’lung kyong ung ka noh k’chang gui chü m’gein vai cuh hlü pi ci ci neh m’thei lo ci.

Mikmi phih K’chang gui noh ami na m’tam vai kä kya hleih, m’lung kyong ung kanoh bü neh bi thei vai, k’chang k’phyion thei vai mi k’tha nak ko.