Kyün hloi yah ung läk vai gui

Catholic yumtu kchang gui ah phäh a kyün hloi cuh a kum tä hleih bi a kya ci. Kyün hloi yah ung a i gui bi vai ang? Maaneh k’taigü vai, a k’hngih nak ung kat a phäh a ng’yu ba vai, a k’thum nak ung yaica ci gui gung htot vai ci ah among k’thum cuh mi läk vai ah kya ci. Bawi Jesu Christu on a täng a hlai lai ma ah k’hngüp phlikip om tu nak a kya ci. Ng’thu phyüm yah ung Moses noh m’cäi vai a lak yah ung k’hngüp phlikip sho ci. Khanpughi on a täng a k’hngüp phlikip om ci goi ci neh ng’guk ci. Khanpughi noh kho m’dep a m’shi cuh k’hngüp phlikip kho aa hlak neh tui on m’shi ci. Kat nak a m’shi vai k’hngüp phlikip sho ci. Bawi Jesus noh ei hloi neh hlai lai maa yah a om cuh mihmi gui Khanpughi on k’hngüp phlikip om nak mi läk tu a kya ci. A kho kum gha-lei-chuk ung ka noh chuk-kip a chüt cuh meh hloi vai, ei ok hloi vai ah kya ci. Kä gai ci gui, lah a güh gui bi ci gui cuh ei neh gah ci gui. Catholic a m’thei m’cäi gui läk u neh shin ah kyün yah ung mi om hnging vai mi k’tha nak ko yumtubum gui aw.