Bä ciah Casimir ah ghinlu a mong
Poland ghung khaw ghung m’htei ciah bä ciah Casimir cu Christu kum 1458 ung ng’tüi ciah kya ci. A ni cu a k’thum nak Casimir shangpughang ah a hta k’pa tu mat ah kya ci. A pa no a ngoh nak ah Nandaw ung ca ng’thei ne om tu lang pang ne phih a ghinlu cu k’taigü nak lah kyünhloi nak awn pyang tham ne k’tha nak ciah kya ci. Nu Maria ng’ngaih u ne Nu Maria m’tam nak ah a ming thang ciah Hymn of St. Carimir cu guk ciah kya ci.
A ni ah ng’khai ng’lang ne lang ciah a om ah phäh ah k’chang a daa no duyai ci gui ghung m’thei ciah k’chang ci ne a mi chü ah kya ci. Christu kum 1471 ung Hungary ghunkhaw ah shangpughang ah lu chüm pe hleih a pa ah k’chü a ng’ngaih nak awn lak ciah kya ci. Ghunkhaw a uk vai yah ung minhta tumat cu Thinan gut vai ne gakat ng’htoi a daa awn Casimir cu ne ng’tuk püi hlü hleih shi lut lo khai ah ng’tuk ah nak kä ng’yak hlü ne Poland ghunkhaw ah dong ba ne kä taga ci gui ah phäh ah a ngoi ah phih hlei nget li m’la kä ton khai ci ne a m’lung phupit ciah kya ci. Bä ciah Casimir cu Christu kum 1484, a khokum 26 ung a cop kä ni hleih shih ciah kya ci.
