Kchò khò ka vai mghò kthái
Kchò khò cuh khò gui khò mhtūng bàng ghēm gui on bé ci.Kshīn gui akní ah khän khai bi ung vah géitkò vai nghloi khai kya ci.Kchò khò ah hlo ah ghunkhò mshah gui ung a i ah mdek ni khai ami pyaan hngu hmat tu ciah Khùigüng ah kah Kyüì Ghùng no bi neh a mdáng lo cuh mi bi tu ungkchò khò cuh géitkò nak ung akní pí ah kya lo khai.A khòtüi mhtéi vai ah a i géitkò ung bä khai shùilèi ciah hnguh hmat kchàng gui no ami yùm pí ah mghó tumat ah kya ciah shin ah mghó cuh mi géit tu khin ci.Kchò khò ung géit ung bä khai hngu lo tu ciah ani no Mvákhò ah phùng ät ngùi phya goi on khleih nehlo püi neh a géit lo htük ah kya ci.Avan no a ngnéng ah géitkò neh ami bi ah hlo ah kä kya en hleih akní pí ah nì lam shuì neh mi géit ung vah géitkò cuh ni lo bà khai kya ci.A i ah kya hleih ci ung mdek pum ung a khòtüi ah ni bä nak bäng äp neh gah-tang vai düt teng neh mi mdínak gui on khòmdek cuh ayan ka hlo ah kä ni bà ci.Mi mdí te cuh ni khai mi pyan ba ung vah ni bà khai kya ci.
