Bä ciah Scholastica ah ghinlu a mong (480-547)
Bä ciah Benedict ah awn k’hnga ng’gum ah kya ciah bä ciah Scholastica cu Christu kum 480 ung Italy ghunkhaw, Nursia maanggo ung ng’büh ng’mang kyawng khui ung ka no ng’tüi lo ci. A be ah kya ciah Benedict Monte Cassino ah a hteih yah ung Scholastica cu a marmah gui uk ne k’poih ghüt ciah kya ci. A om nak awn ng’ et ciah a be Benedict a om nak ah im ung khokum ä tung k’hmät htei ne om tu hti ciah kya ci. Kho k’hngüp ä tung mühngün ei a mi ei kon ah Scholastica no a be Benedict am a shäng ng’hta vai om ci, ning ng’hta ko ci ne pyein hleih Benedict no dam ciah kya ci. A cun ah dam chita Scholastica noh Khanpughü am k’taigü ne kya hleih a cun nung kho k’chigih lo ne aa lo hleih, Benedict lah a teihpüi gui cun Yehteih kyawng ah kä hteit bah lot ci gui ah kya ci. Benedict no a be hta am Khanpughü noh ning m’gein hlä. A I na ci te ang? ci ne ng’shi hleih ning ng’hta cang ko ci ne ka pyein na dam ah phäh ah Khanpughü ah ka k’taigü te, Khanpughü no na ng’ngai ci ci ne pyein ci.
A cun mü Benedict cu a be hta Scholastica awn a ng’däih ah yeikyai nak lah htitheing nak a mong gui cu müpum pyein ne ng’hta ng’ko ni ne, a ngong khong ngoi ung Yehteih kyawng hteit ba ci gui ah kya ci. A mi hteh nak ba khohngüp k’thum khe lo hleih Scholastica cu shih ciah kya ci. A cun yah ung Benedict cu a khan khui ah k’taigü yah ciah kya ne, a mik phyüi lo ba chüta a ne hta Scholastica ah m’cha hta cu müm hta vai hlü ah khanmopi ah a kai cu hnguh ciah kya ci. Yei tu ne Khanpughü shüm hmat neta Yahteih gui a m’shah hteh hlak ne a be hta ah a gok cu yahteih kyawng ah lo püi hlak gui ne a k’phuh nak vai ah ku ung tha ci. Christu kum 547, a be hta a sih nak kä shop ha hleih Benedict cun phih shih tu ciah kya ci.
