Letthat ne ng’ khah nak ah Sacramentu (1)

Ng’thu k’ni lah ca thung ng’dang ci gui ung ka noh mi mi gui cuh k’kyawng khui ah om ih gui awng m’dang ciah Pukko k’thum Khanpughü tumat a mong cu mi hmat tu ciah kya ci. K’kyawng khui cu Khanpughü ah müi ah kya ciah kya hleih, Khanpughü cu k’chang gui ng’bumbäi ne a täng ah om nak ah kya ci. Boi Yesu Christu m’shi nak Sacramentu a khan yah ung Yesu cu a kia ah a hngi ah hta ah kya ci ne Pa Khanpughü ah k’o cu ng’ yak ah kya hleih ngani ah ng’ lak ung Muh Khanpughü cu mi k’shing ba ciah kya ci. (MK 1:1,10-11). A van a mät ah yaica gein vai nak, a shi nak lah a ghing lo nak ba gui awn ng’päng zop hlak ne mi mi hma kat k’chang gui a van na k’phyon gui ciah Boi Yesu noh latthat nak lah k’kyawng khui ah ghinlu, a tüipyan yah ung om ge man ci ung a gok ba vai bäng ah kä kya ein hleih  letthat nak awn yumtu ng’bum ah k’khan ah tha vai ah shüm nak lä vai ah m’hngi nak om ciah Sacramentu ah kya vai a pyan ah kya ci. (Mt 19:1-12, MK 10:1-12).

Boi Yesu noh a k’bum peit ah kya ciah k’kyawng khui ung cang ciah m’hngi nak lawng ciah thuk ciah Pukko k’thum Khanpughü tu mat ah ghui kyä ah ng’ dang ciah kya ci. Latthat nak lah k’kyawng khui cu Khanpughü ah m’hngi nak m’dang ciah ng’thu k’ni htet htei khan vai ah yumtu ng’bum ung ka noh Boi yesu Christu ung ah Htitheing ciah Mu Khanpughü ah k’tha gui na gah hlak gui ciah kya ci. Latthat ci goi ah ng’chu ng’la goi cu yumtu ng’ bum ah phäh ah shing ng’kang k’khan ah kya man te ci cu a cum ah shüm ba hlak ciah kya ci. Nga ni cu tumat ka vai tu mat cu hnging ciah kya ne a ni hta na ah phäh ah phih Letthat nak Sacramentu cu htei htei ah kya ci. Letthat nak cu Boi Yesu lah Yumtu ng’bum ah m’hngi nak kä kyüm be ci vai hlü ah kya ciah ng’chu ng’la goi ah m’hngi nak awn m’dang ne a ni ghinlu a täng ah a ni ghin om vai vai Khanpughü ah chü thäm nak ah kya ci.