Bä ciah Hilary ah ghinlu a mong

Hnguh hmat k’chang tu mat ah kya ciah bä ciah Hilary cu Christu kum 315 ung Pyinhtit khaw, Poitiers maanggo ung ng’büh mang k’kyawng khui ung ka noh ng’tüi lo ciah kya ci. A ni cu gup gui ah kya ciah k’chang gui ah sheh gui düt m’shümchuk nak ah vuata ung ka noh ng’ vai lo ci ah kya ci. A ni cu chumah ne a hta hngumi tu mat gah ciah kya ci. A kho kum 30 a be lo yah ung a ni cu ng’van tüi pyang ciah Khanpughü tu mat bäng vah om ci ci cu yum lo ne ng’thu k’ni ung a hnguh mat gui cu cang ci ah hmat lo ne a m’lungnga ng’thonghlat lo hleih m’shi nak Sacramentu cu khan tu ciah kya ci. A ni cu yum tu k’chang tu mat düt ah kyat u lang pang hleih phih k’chang gui a daa noh Poitiers maanggo ah Taigü maang tu mat ah a kya lo vai a mi ghü ah kya ci. Christu kum 353 ung Taigü Maang ah kya lo ci. Hilary cu Boi Yesu cu Khanpughü ah kä kya ci ci ah a yu vuata cu pheng hleih Roma shangpughang Constantinoble noh Christu kum 356 ung khaw pung ah a täm ah kya ci. Khaw pung ah a om yah ung Taigü Maang Hilary cu pukko k’thum Khanpughü tu mat bäng om ci ci a mong cu ca uk tu mat ah kya ciah guk ciah kya ci. Bä ciah Hilary cu Christu kum 361 ung Poitiers maanggo ung shi ciah kya ci. A ni cu hngip hngäi ne k’chang gui ah khan ah m’lung ni hta ne yum tu k’bum cu a cum ah ghung ciah kya ci. A ni cu Theologians gui lah ca ng’thei k’chang gui ghung m’htei ciah bä ciah k’chang tu mat ah kya ci.