K’kyawng khui m’kyüh m’kyawk ci ah ng’ngahtüh gui

K’yawng khui ung Nu lah Pa ci ah k’ngumi lah k’pami ah a ng’cha ah hlo ah tu mat lah tu mat ng’ngahtüh cun phih kä täng hnging ciah kya ci. Cuntu pang ah phih ng ani ah k’kyawng khui a k’ni ah a ät hnging vai ah ng’ngatüh ni ne, a ni ng’ngaih ät khai ah a ni nii nak vai cu a ng’htei ah hlü ci ah kya ci. Tu mat ah ng’yak hlü tu mat noh kä k’be peit hnging, kä läk hnging ung a ni ng’ngaih kä ng’hmat lo ba ne ng ani ah ng’lak ah a ni hngumi, a ni k’pami ci ah ngahtüh peit thei, hmat thei nak kä om lo ba ung k’kyawng khui ung kä ng’khot ng’gei nak cu om lo ci ah kya ci. Ng’shon lam ah kya ciah a ni htana vai a mong phih kyai, a ni htana gui ah khyä lam, hnguh hmat nak lam, a mi lung ngaih, a mi om ih gui a k’ni lam ah a mi ng’düih hnging vai ah Nu Pa cu a htei ah a yeiki ci ah kya ci. Na tüi pyang gui ciah Khanpughü noh k’hngumi k’pami ng’ chak khai ah a na tüi pyan gui lang pang ah phih a u hlüng tai tub a ci, a u yonem tub a ci ci ne a na tüi pyan gui ah kä kya ci. A cun ah kya hleih k’hngumi lah k’pami ah ng’lak ung m’lung ät nak m’choih ne tu mat ah khan ah tu mat noh a ni lam ah ng’ngahtüh nak, m’hngi nak, k’chü m’gein nak awn k’kyawng khui ah ni nak vail ah diimkyäp nak a ni pyan hnging vai ah hlü ciah kya ci.