Bä ciah Elizabeth Ann Seton ah ghinlu a mong
American k’chang gui ung kah maapi bäih ne bä ciah k’chang ah kya lo ciah Elizabeth cu ng’büh ng’mang ciah Protestan k’kyawng khui ung ka noh Christu kum 1774 ung New York ung ng’tüi ciah kya ci. A ni cu Christu kum1794 ung William Seton awn ng’khah ni ne, a ni hta k’hmo k’hma gah ci goi ah kya ci. William Seton a shih kon ah Elizabeth cu Catholic a teihpüi gui a kya ah k’chang k’chü m’gein thei u ne, a mi ni cu hnguh lo ne Catholic m’thei m’thang nak gui yum lo ci kya ci. Protestan a teihpü gui noh kä yum tu lang pang u hleih phih Elizabeth cu Christu kum 1805 ung Catholic yum nak ung lut tu ciah kya ci. Khokum k’thum be lo hleih, Christu kum 1809 ung bä ciah Josep ah m’hngi nak ung ng’pai na gui ciah marmah ng’htoi cu Maryland ung om ciah Emmitsburg manggo ung m’düih ne a cu ah Marmah ng’ htoi ung a ng’vai pi tu mat ah kya lo ciah kya ci. A ni cu Christu kum 1821 ung shih ci. Bä caih Elizabeth cu Catholic kyawng gui, hmei nu, hmei hta, ca m’thei ci gui ah Saya, Sayamah gui gnhung m’htei ciah bä ciah k’chang ah kya ci.
