K’kyawng khui hlokyan shi nak lah ei ok tat a mong

K’kyawng khui ung ng’cha tai nak, kä ng’kot ng’gei nak a om lo cu a tung pi ah k’kyawng khui ung hlokyan shi nak, ei ok tat ne k’kyawng khui m’dii m’dam nak gui a om lo ah a kya ung ka noh leng ciah kya ci. A cun gui a om lo ung ghü ng’vai lo ci gui kä tä ba ne hta hmo gui cun phih hmei hta ah kya lo ne hmei hta gui a mi om nak ah im ung k’chang hei gui ah m’htei m’hta vai düt ah ci lo ci gui ah kya ci. A m’shah cun phih a nu pa awn a täng ah om tu pang lang ne phih a mi ghinlu kä ng’shung hngei hleih yai ca gein vai nak ung ng’ vai lo ci gui ah kya ci. A nu pa ah hlo kyan shi nak ung ng’vai lo ci ah hta hmo gui a daa tub a cun phih a ng’ vai lo ung a nu pa ah hlo ah k’chang ah khan ah hlokyan ne, ei ok yei kyai nak düt ung a ghinlu m’dii k’hmaih ci ah kya ci. K’kyawng khui ung diim gei hleih yei kyai ne om vai cu a k’tung pi ah nu pa cu a yei kyi ciah kya ci. Nu lah pa ci nak ci cu a ni mät ah ng’ lak ung pyein phyak ci gui kä m’yih ein ne ni na ne pyein ät ne ta  mä, hta na gui ah kyä lam phih kyai m’mü m’cha lam phih kyai a ni ah m’thei m’cäi ne hlü ci gui ung peit tak gunghtot ne ci peit vai cu a ng’htei ah hlü ci ah kya ci. K’kyang khui ung diim gei nak, yei kyai nak gui kä om lo ba ung tumat lah tumat ng’u ng’sheih nak gui om lo ne ng’tai lo khai ah kya ci.