Papa Shangpughang Francis lah Palestine Ghung khaw mang Abbas ng’ hnguh ne ng’hta ki goi

Papa Shangpughang Francis no December k’cha (12) hngüp khaw ngoi lam ah Palestine ghunkhaw mang Mahmoud Abbas cu minutes (30) hlok sho khai ah hngu ne ng’hta püi ci ci cu Vatican News noh m’dang ciah kya ci. Nga ni cu khaw kum (30) a sho lo kon ah a ni mät goi mapi bäih ne ng’hnguh ki goi ah kya ci. A ni ng’htako nak ung Papa Shangpughangn noh a pyein cu ng’tung ah nak ung Gaza tui k’kam ung didam ci gui ah phäh ah k’chang täng täng mät nga ah ng’ngaih vai ci lah, ng’tuk ng’ah, shun kah gui ung ka noh ng’düm ne pha gui ah k’chang gui sheng ne m’hlot ba vai ah ka ng’yak hlü ci ci ne pyein ciah kya ci. Ghunkhaw mang Abbas noh phih Palestine ghunkhaw cu ghnunkhaw päng noh k’bäi ne a ng’däih ah a mi m’hlüng tu vai ah pyein ne diimgei nak a om vai a kho ng’däih ah m’theinkan ciah Papa Shangpughaang Fracis ah a bä nak, lah Papa Shangpughang awn a ni ng’hnguh cu a hteih k’phyüm man a hguh ba awn täng hleih ye tuk ci ci gui cun phih pyein ciah kya ci. Papa Shangpughang Francis lah Palestine ghunkhaw mang Abbas cu tumat no tumat letsawng pe tu ne ng’tai ba ci goi ah kya ci.

Source: Vatican News