Adventu a k’thum vai nak kyün hngüp

Kchààng ngbuum no phih cun ah a kya ung “Keimi a i néi kami ci kò” ci ne ngshi u hleih ani no “Khtù khngih om ca kchààng no kä om ci am pe tu hlä. Ei vai om ci no phih a cun bä̀ ah ci tu hlä,” ci ne mshàng ba gùi ci. Ngùi kphlám lók gùi phih mshiinák la tu vai u ne ani ah lo u ne “Saya ngvái o, keimi mä, a i kami ci tu vai ang” ci u hleih “Nami bi vai ah ami ci gùi kòn ah a i phih kä nami ci èin vai,” ci ne mcä̀i gùi ci. Gàkáp gùi no phih “Keimi mä a i ah néi kami kya kò,” ci ne ngshi u hleih ani no “A u phih kä nami kkàlunák vai. Kä nami hlehlak vai. Nami ngchéng ah thà ah kä ng’umngtak èin vä. Kchààng a kdá no Yohàn cu Khrìstù ah kya hngo khai cii ah ami mlùng am ngngài u hleih Yohàn no mshàng ba gùi ne avan am a pyéin ba cu “Kei no nangmi tui on ka ning mshi gùi ci. Kei ah bä̀ tu ba ci lo khai. Ani ah khophàdok gùi dǘt hngo kä ka kphyàn khiin ci. Ani no Muh Khtí lah mei on ning mshi lo gùi khai. A kut ung kphyà kkot ne khlánghngün phéik ne gählei hlak chüta kyung htàngmguh a ngtak cu a kkhèi kkyòòng ah htiin ne a ngshì lä́i cu kä dììmgei hlot ca mei ung mkhih lo khai. A hngei a kdá gùi on phih mcä̀im’ä gùi ne yèi tu vai ah mòòng cu kchààng a kdá am pyéin ci.

Muh khanpughü ung m’lung k’thai ng’thong ba ne yeikyai nak ah kya ciah adventu a k’thum hngüp ung ng’yak ah mong ung mät ung om ciah ah khoh tang awn yai kya ci gui gunghtot gänap ne Khanpughü ah m’cäi lam gui läk vai ci ah Yohan noh k’chang gui a m’thei m’thang cu mi ng’yak ciah kya ci. Ghinlu k’thai cu htitheing ciah mu khanpughü ah m’theing m’htaih nak kon gah ah kya ci. Kat nak gui ah phäh ah ng’yuyong ba ne htitheing ca mu khanpughü ah m’theing m’htaih nak do hnging ah a kya ung ghinlu k’thai gah ba hnging ah kya ci.