Adventu a hngih vei nak, December k’cha ghalei k’thum hngüp ng’yak vai ah mong

Shin ah kchààng gùi cu i on mtäng gùi vai ang. Yoihnák lam kyùm ah ami pó gùi on kpanmcai u ne ‘Keimi ng’ä̀i u ah hleih phih kä nami nglààm ci; ngüük u ah hleih phih kä nami kyap ci’ ci màn ci gùi ah a khmó gùi on täng ci. I ah kya hleih cii ung Yohàn cu kä eiók ah lo hleih khòkshé ah pha ci ci gùi. Kchààng ah htá èio ne lo hleih ‘Èiktat ci, càpyìt tui oktat ci, ngùi kphlám k’lók gùi ni, kchààng omkkà gùi ah teihpüi hngǘn ah mo’ ci ci gùi. Hnguh hmatnák cu hnguhmat ci no vah hmat ci.

Mät noh mät m’lung m’dam cu shin ah ng’thu k’ni ung mi ng’yak ciah kya ci. Boi Yesu lah Yohan noh k’chang gui a ni chü teng ah a kya ung, Khanphughü lam, Dimkyäp nak a om nak, Yeikyai nak a om nak lam ah a ni chü ah kya ci. Nga ni chü kä läk kä ng’ngai ne dam ci gui cu a mi mät noh a mi mät bä tu ba ci gui ah ng’ngai ci gui, a mi m’lung m’ däm ci gui ah k’chang gui kya ci. Mi mi gui phih tuh chü Adventu yah ung m’lung m’zo m’nem ne, K’taigü nak ung käng htek lo pihti ne, na k’phyion gui ca na yüt Boi ah ng’tüi lo nak mi do tu hnging vai ah mi k’tha na ko.