Bä ca Josaphat ah ghinlu a mong
Yumtuk’bum a k’ni ah kong ät khai ah a k’tha nak yah ung a hngun peik ca bä ca Josaphat cu Christu kum pyaghaleik’hma lah chütkip (1580) ung Ukraine ghunkhaw, Vladimir maanggo ung ng’tüi ca kyak ki. Vilna Maanggo ung om ca hlumlei chang tu hmat ah om ne bi a bi tu yah ung bi a bi nak ah a im mah no hlumlei nak ung gah gui cu a täng ah ng’pai ne bi vai lah a im mah ah a hta k‘hngumi tumat cun phih a lak vai ah ng’shi hleih bä ca Josaphat no yahteih tu mat ah ka kya tu k’khai ah ka m’lung ka phupit püi ki ci ne a ng’shi a ni ni k’hngih cu a maa ah kyak ki. Christu kum pya k’chukip lah k’phli (1604) ung a ni cu Vina maanggo ung om ca Yatheih ng’htoi ung lut tuk ca kyak ki. Bä ca Josphat cu htingling ne kyä hla ng’phep nak ah ghinlu awn a k’ni ah Khanpughü am gänap ne Roma yumtuk’bum lah orthodox yumtuk’bum a ni ät ba hnging vai ah k’tha na ne bi man ca kyak ki.
Christu kum phyaghaleik’chuk lah ghaleik’chüih (1617)ung Polotsk maanggo ung k’taigü maang tu mat ah kya lo ne a cun ung ka no leng ne yum gui guhten ne a cun ah ca uk yoi ca ki. a ni cu k’hmät bäng phih kä kya hleih letthat ci gui ah (Orthodox) k’taigü Boi gui a mi m’lung hngaa ng’thonghlat khai ah pyangtham ba gui khai ah a m’ung phupit ci. A ni ah bi loh gui aung tang lo hleih Orthodox yumtu k’chang gui cu m’lung k’she u ne k’Taigü Maang Josaphat am m’mü m’cha m’guk ei ci ne chü ki gui ah kyak ki. Bä ca Josaphat no a pyein cu Roma yumtu k’bum a ät ba vai lah Papa k’Shanpughan ah (A chuk a cha aana) ci ah ghum aa k’tung ah phäh ah ka ghun ka pei khai ah a ge ah ka om ci ci ne pyein ci. A ni cu Christu kum phyaghalei k’chuk lah m’kuleik’thum (1623) ung khawngoi k’taigü nak m’cuk khai ah k’bum im ah a hteih ah ung a yum nga ne ling ca chang am’sha noh hlenget awn kap ne a mi ngon ah kyak ki.
