Bä ca Leo the Great ah ghinlu a mong

Ngoiä ng’däih ne om hleih shüm lä vai ah kyak ca a htük nak Papa K’Shangpughang Leo cu Christukum phyak’phli ung Roma maanggo ung ng’tüi ki. A ni cu hnguh hmat, hnguh shim nak awn ng’büh ne ghuih ca k’chang tu mat ah a kya a hlo ah ng’Taigü Boi ah  kya lo ne Papa k’Shangpughang ah a khem ah chang ah kya lo k’ki. Papa k’Shangpughang a k’thum nak Sixtus a shi kon ah a ni cu Papa k’Shangpughang ah kya lo tu k’ki. Papa k’Shangpughang Leo cu Papa k’Shangpughang ah yung im ah kyak k’ca Vatican cu htingling nak ung hlüngtai khai ah m’hlüngtai hnging ca kyak ki. A ni ah yum nak lam gui a mong ung a aungtang lo nak cu Christu kum phyaphli lah k’hmakipleiät ung (Council of Chalcedon)ci a mi ng’bum nak ung a gukthein a pyeinhlak tu gui cu k’Taigü mang gui a van no k’bäi tu u ne Boi Yesu cu Leo ah m’gong awn ng’hta lo k’ki ci ah nga mi no pyein ci gui. a cun ah a mi ng’bum nak ung a ni no Boi Yesu cu k’chang ah kyak nak a ci tu a mong pyein ne Boi Yesu ah chang ah a kya na lah Phaya ah a kya nak cu a k’pühkheh ah m’thein gui hnging ca kyak ki. Bä ca Leo cu Christu kum phyak’phli lah m’kuleiät ung shi hleih a ni ah üm na ne shümlä vai gui a ng’kho cu Vatican Phaya kyawng ung tuhgüt chüt ah a mi htin ah kyak ki. Bä ca Leo the great no a cun ah a pyein gui man cu a tuhgüt chüt hleih Yumtuk’bum no yum läk ne a däih ah m’theim’thang vai ah kya lo k’ki.