A thumkipleiät nak kyün hngüp

Cun kòn ah mcä̀i gùi ne a pyéin cu “Kchümcä̀ikshǜm gùi cu ngngaihna vä. Ngami cu khtù a kkyù nú ngthuh ne hteihhtoon, yoihtuknák ah nghtàpüi gùi vai. Cagàt gùi ung a kní pí, ei vàinák ung phih khmà gùi vai ngyahlǜ ci gùi. A ksho ktàigǘ ci gùi ah ngshéi u neta hmeinú gùi ah khoh gùi èi yop ci gùi. Shin ah kchààng gùi cu a kkà pí ah mchamlàng gùi ah kya khai. Cun kòn ah Yèisu cu ngùi mkyǘm mán ne ngò neta kchààng gùi no a ihokchà ah ngùi mkyǘm ung ngùi ami ghón cu teng ci. Khoh-mah ci gùi no a kdá ghón ci gùi. Dú ca hmeinú tumat phih lo ne ngùi kchùùn khngih ghón tu ci.Yèisu no phih a hluläk gùi chü gùi ne ngami am a pyéin cu “Nangmi am a kcàng ah ka pyéin cu shin ah ngùi mkyǘm ung ghón ci gùi avan ah tah shin ah hmeinú kdú no a kdá pí ghón ci. A i ah kya hleih cii ung avan no amimät ami ngmangnák ah khoh-tang ungka ghón ci gùi. Shin lä́i no amät ah dúnák ungka mä a ghünnák vai hlǜ nghngün avan ghón ci,” ci ne pyéin ci.