Bä ca chang gui a mong

Tuh ngoi Novenber a htük nak hngüp cu Bä ca chang gui ah poi hngüp ah kiak ki. Bä ca chang gui cu  Paradisu ci ah Yeikiai nak ung Khanpughü awn a täng ah om ne Boi awn a däih ah ng’pong ne om nak ung yeikiai ki gui ah kyak ki.  Bä ca chang gui ung a daapi cu nga mi ah a mi yum nak ah phäh ah a mi hngun pe ne a mi shi awn yumtu k’bum cu gunghtot ne cho tuk ki gui ah kyak ki. Nga mi gui ung ka a m’sha cu yumtu k’chang gui no a mi hmat ah bä ca chang gui a om a hlo ah a k’daapi cu na tüipyiang gui ca Khanpughü tu mat bäng no va hmat ca kyak ki. (Mik-hnguh 22:4) ung om ci cu “ Ngami no Khanpughü ah hmai hngu khai gui. Ngami ah ami m’calai ung ami ng’ming guk pe gui khai” ci ah a om a hlo ah ngami gui cu Khanpughü ah ma ah Boi ng’mangchum na ne m’shumchuk nak ung yeikiai ne om ci gui. Bä ca chang gui ung a m’sha cu a hngun pe k’ki a om a hlo ah a m’sha cun phih a hngüp täi a bi loh gui a k’ni hta bi ne m’lung k’ni awn läk lam gui a ni ah a mi läk nak awn bä ca chang ah kya lo ki gui ah kyak ki.

Mi k’mi gui cun phih khaw hngüp ä tung bä ca chang tu mat ah mi kya lo tu vai ah Boi noh na chü gui ca kya hleih yum nak ung khänghtek ne m’lung k’ni awn mi ghinlu cu a k’ni hta ah mi peittak hnging vai ah Khanpughü awn a täng ah om ne mi k’mi gui kai vain a k’taigü pe gui ca bä ca chang gui am mi ng’hui k’pa na gui ko.