Bä ca Simon lah Jude ah ghinlu a mong

Bä ca Simon lah bä ca Jude cu Boi Yesu ah hluläk chang goi ah kiak ki  goi. Bä ca Simon cu Galilee khaw Cana manggo ung ng’tüi ca kia k’ki. A ni cu Zealots ci a phih ng’ming na k’ca kia k’ki. Persia, Asia Minor lah Egyipt khaw gui ung hteit neh Khanpughü ah mong thähla m’thei m’kan ca bä ca chang tu mat ah kia k’ki. A ng’ngaih u vai kä om ba ca chang gui gung m’htei ki ah bä ca Jude cu 1^st Century ung Judea khaw, Galilee ung ng’tüi ki. A ni cu Boi Yesu ah hluläk chang James a k’hmo awn ng’phäi k’na goi ah kya k’ki. Yohan 14:22-23 ung “ Boi aw, i kia hlei namät noh namät khawmdek am kä k’hmuh ne kei mi am na na k’hmuh gui hlü ki ang? ci ne Boi cu ng’shi hleih Yesu noh kei na m’hngi ki noh ka k’chü ng’ ngai khai. Ka pa no a ni cu m’hngi khai. Kei mi gui phih a ni loona u ne ani ka mi om na khai ci ne m’shang ba ki“. A ni cu Juda m’theim’thang m’cäi m’ä nak ah ng’thu ci ne Yumtu ng’bum am guk ca kia k’ki. A ni nik’hngih cu Christu kum k’chukkipleik’hma ung a ni cu cang lam ah phäh ah a gun pe k’ki goi ah kya ki.