Bä ca Callistus ah ghinlu a mong October (14)
Bä callistus cu Roma Manggo ung k’tüi ne a ni cu k’phan k’chang tumat a kia k’ki. Christu kum k’pya lah kokipleik’ko ung Papa Shangpughang Zephyrinus ah kut ung Deacon kia lo tu ne Abian lam nu lai a khan ah om ca Christian ng’cinhngün a m’htei ne om ci. Bä ca Caliatus ah m’dekk’ka m’cinhngün a mi ci ung Papa Shangpughang gui a mi k’phuh nak ah ng’lei ah kia lo ne a cun cu yumtuk’bum ah mapik’bäih ne k’khaw m’dek ah kia lo k’ki.
Christu kum k’pyam’ku lah ghaleik’’chüihi (217) ung Papa Shangpughang ah kia lo khai ghü u hleih khaw k’yo yum ghong gui a m’chüt ne Khanpughü ah mong lam bi k’ki. A ni cu chang ah chu cei plet nak lah chang ah hun ngonsheh nak lah a hmün kat nak gui k’pyion vai ci cu leng ne bi ca kia k’ki. Christu kum k’pyam’ku lah m’kuleigoi (222) cang lam ung a hngun pe k’ca kia k’ki. A ni cu. m’cinhngün ngüng m’htei ca chang gui ghung m’htei gui ca bä ca chang tumat ah kia k’ki.
Mik’mi Christian changui gui ah phäh ah shi pi ki gui ah ng’mü m’cha gui Khanmopi ah a mi gok vai ah k’taigü nak awn m’gunghtot gui vai hlü ki. cun ah kia hleih bä ca Callistus ah hlo ah shi pi ki gui ka vai ah mi bi hngning awn a k’tung pi ah ng’tai gü nak awn ng’mü m’cha gui khanmopi ah a mi gok tu hning vai mi ghunghtot tu gui ko.
